Deprecated: Function set_magic_quotes_runtime() is deprecated in /home/sveitabrudkaup/sveitabrudkaup.is/textpattern/lib/txplib_db.php on line 14
Sveitabrúðkaup: Fréttir |

Keppir til verðlauna í Lundúnum - 18/09/08

Sveitabrúðkaup hefur verið valin til sýningar á kvikmyndahátíð bresku kvikmyndastofnunarinnar (BFI) í Lundúnum þar sem hún keppir um hin eftirsóttu Sutherland-verðlaun. Hátíðin hefst 15. október og líkur 30. október. Verðlaunin falla í skaut þess kvikmyndagerðamanns sem sýnir mikinn frumleika og hugsjónasýni í sinni fyrstu kvikmynd í fullri lengd. Í fyrra hlaut teiknimyndin Persepolis verðlaunin.

Sveitabrúðkaup var nýlega frumsýnd á kvikmyndahátíðinni í Toranto þar sem hún vakti mikla athygli meðal áhorfenda og hefur sýninarréttur verið seldur til Frakklands, Ástralíu, Kanada, Ísrael, Sviss og Mexíkó. Meðal annars mun myndin vera frumsýnd í Ástralíu á u.þ.b. 40 sýningarsölum.

Sveitabrúðkaup er til sýninga í Sambíóunum Álfabakka, Keflavík, Akureyri, Selfossi og Háskólabíói.

Sveitabrúðkaup frumsýnd í Toranto - 18/09/08

Sveitabrúðkaup var frumsýnd fyrir skömmu á kvikmyndahátíðinni í Toranto fyrir fullu húsi gesta þar sem var klappað og stappað til skiptið að henni lokinni. Valdís, ásamt ellefu manna föruneyti leikara og framleiðenda fylgdu myndinni út og vöktu mikla athygli meðal áhorfenda þegar þau mættu á sýninguna í íslenskum lopapeysum.

,,Frumsýningin gekk glæsilega fyrir sig og var klappað og stappað í gríð og erg. Áhorfendur ráku upp stór augu þegar við mættum í íslenskum lopapeysum, eða eins og hópur galvaskra víkinga” sagði Hreinn Beck, framleiðandi myndarinnar.

Að sýningu lokinni svaraði Valdís spurningum úr salnum við góðar undirteknir áhorfenda og var m.a. spurt út í framleiðslu myndarinnar, en myndin var tekin upp á 7 dögum. Einnig var spurt um tónlist myndarinnar sem er í höndum hljómsveitarinnar The Tiger Lillies.

Hægt er að hlusta á spurt og svarað með aðstandendum hér

Tónlistin í höndum The Tiger Lillies - 12/08/08

Þann 28.ágúst verður kvikmyndin Sveitabrúðkaup eftir Valdísi Óskarsdóttur frumsýnd. Myndin skartar mörgum af þekktustu leikurum þjóðarinnar en þetta er frumraun Valdísar sem leikstjóra. Stórsveitin The Tiger Lillies sér um tónlistina í kvikmyndinni.

The Tiger Lillies er nokkuð stórt nafn og hefur mikið verið að semja tónlist fyrir leikhús í gegnum tíðina. Sveitin var stofnuð árið 1989 og hefur mjög sérstakan hljóm sem vakið hefur verðskuldaða athygli. The Tiger Lillies byrjaði eins og flestar hljómsveitir að spila á litlum pöbbum en hefur það meðal annars á afrekaskrá sinni að hafa komið fram í hinu víðfræga Óperuhúsi í Sidney.

Sveitin hlaut hin eftirsóttu Oliver verðlaun fyrir söngleikinn „Shockheaded Peter” og voru einnig tilnefnd til Grammy verðlauna fyrir plötuna, „The Gorey End”.

Á nítján ára ferli sínum hefur hljómsveitin gefið út 21 plötu, tekið þátt í mörgum uppákomum og spilað út um allan heim.

Nánar hér